Jesus á leið í aðgerð á hné - Fer Arsenal á markaðinn?

Mynd: Getty Images

Gabriel Jesus verður frá í talsverðan tíma vegna hnémeiðsla sem hann varð fyrir með brasilíska landsliðinu á dögunum. Hann haltraði af velli í leik Brasilíu gegn Kamerún.

Greint var frá því um helgina að Jesus yrði frá í þrjá mánuði. Nú er komið í ljós að hann þarf að fara í aðgerð vegna liðbandameiðsla og fer hann í aðgerðina í dag.

Þetta eru ekki góðar fréttir fyrir Arsenal sem er í toppsæti ensku úrvalsdeildarinnar og hefur Jesus verið algjör lykilmaður í velgengni liðsins. Óvíst er hversu lengi Jesus verður frá, það fer allt eftir því hvernig aðgerðin og endurkomuferlið lukkast.

Arsenal gæti þurft að skoða félagsskiptamarkaðinn þar sem kostirnir í fremstu stöðu eru ekki ýkja margir í leikmannahópnum. Eins og staðan er núna er Eddie Nketiah líklega fyrsti kostur í stöðuna en kantmaðurinn Gabriel Martinelli gæti þó mögulega leyst hana.

Arsenal ætlaði sér að fá inn kantmann í janúar en þau plön gætu breyst eftir meiðsli Jesus. Mykhaylo Mudryk hjá Shakhtar Donetsk var efstur á óskalistanum en spurning er hvort Arsenal þurfi að horfa annað í leit að liðsstyrk, að einhverjum sem getur farið beint í fremstu stöðu.

Stöðutafla

#	Lið	L	mun	Stig
1	Arsenal	0	0	0
2	Aston Villa	0	0	0
3	Bournemouth	0	0	0
4	Brentford	0	0	0
5	Brighton	0	0	0
6	Chelsea	0	0	0
7	Coventry	0	0	0
8	Crystal Palace	0	0	0
9	Everton	0	0	0
10	Fulham	0	0	0
11	Hull City	0	0	0
12	Ipswich Town	0	0	0
13	Leeds	0	0	0
14	Liverpool	0	0	0
15	Manchester City	0	0	0
16	Manchester Utd	0	0	0
17	Newcastle	0	0	0
18	Nott. Forest	0	0	0
18	West Ham	38	-19	39
19	Burnley	38	-37	22
19	Sunderland	0	0	0
20	Wolves	38	-41	20
20	Tottenham	0	0	0