Carrasco með þrennu í stórsigri gegn Trincao og félögum

Brasilíumaðurinn Ricardo Mathias, sem er á láni hjá Al-Shabab frá Al-Ahli, skoraði gegn vinnuveitendunum sínum strax á 2. mínútu og misstu gestirnir í Al-Ahli markvörðinn sinn af velli með rautt spjald á 22. mínútu. Abdulrahman Al-Sanbi fékk beint rautt fyrir að stöðva dauðafæri með að reka hendi í boltann utan vítateigs.

Tíu leikmenn Al-Ahli réðu ekki við andstæðinga sína eftir rauða spjaldið svo lokatölur urðu 6-1. 33 ára Carrasco skoraði annað mark leiksins í fyrri hálfleik áður en gerði tvö vítaspyrnumörk í síðari hálfleik.

Daniel Podence, Yacine Adli, Tin Jedvaj og Josh Brownhill voru meðal byrjunarliðsmanna í liði Al-Shabab. Á sama tíma voru Francisco Trincao, Valentin Atangana, Roger Ibanez og Artem Bondarenko í byrjunarliði Al-Ahli, með Eduard Spertsyan sem ónotaðan varamann.

Þetta tap er skellur fyrir Al-Ahli sem hafði unnið fjóra leiki í röð og situr í sjötta sæti, með 21 stig eftir 11 umferðir. Al-Shabab er um miðja deild með 14 stig.

Al-Ahli er einu stigi á eftir Neom SC sem vann stórleik í dag. Saïd Benrahma, fyrrum leikmaður West Ham meðal annars, var hetja leiksins.

Neom heimsótti Al-Diriyah og skoraði Idrissa Gana Gueye fyrsta mark leiksins eftir undirbúning frá Darwin Núnez, en Benrahma svaraði með jöfnunarmarki úr vítaspyrnu seint í uppbótartíma fyrri hálfleiks.

Staðan var því jöfn þegar liðin mættu til leiks í síðari hálfleik og var Alexandre Lacazette skipt inn af bekknum. Þessi 35 ára gamli framherji átti eftir að skipta sköpum þar sem hann skoraði það sem reyndist sigurmark leiksins á 68. mínútu, eftir stoðsendingu frá Benrahma.

Sterku liði Al-Diriyah tókst ekki að jafna svo lokatölur urðu 1-2 fyrir Neom, sem situr í fimmta sæti sádi-arabísku deildarinnar. Al-Diriyah er sjö stigum á eftir Neom - með 15 stig eftir 12 umferðir.

Að lokum gerðu fyrrum meistarar Al-Ittihad jafntefli við botnlið Abha. Houssem Aouar náði forystunni fyrir Al-Ittihad en það mark dugði ekki til, og urðu lokatölur 1-1.

Í þeim slag mátti finna Georginio Wijnaldum, Youssef En-Nesyri, Steven Bergwijn og Danilo Pereira meðal byrjunarliðsmanna hjá Al-Ittihad, sem er í fjórða sæti eftir jafnteflið - með 24 stig eftir 11 umferðir.

Al-Shabab 6 - 1 Al-Ahli

Al-Diriyah 1 - 2 Neom SC

Abha 1 - 1 Al-Ittihad