Fjarðabyggð semur við Aleksandar Konjanovski (Staðfest)

Aleksandar er 32 ára reynslumikill miðjumaður og spilar í efstu deild í Makedóníu með FK Kumanovo. Þar hefur hann skorað fimm mörk í 31 leik á þessu tímabili.

,,Hann er reynslumikill miðjumaður og er góður sendingar og skotmaður. Hann hefur fallið vel inn í hópinn enda mikill atvinnumaður í öllu sem hann gerir," segir á heimasíðu Fjarðabyggðar.

Aleksandar kom til móts við Fjarðabyggð fyrir helgi þar sem liðið er í æfingaferð í Tyrklandi.

Hann æfði með liðinu og lék æfingaleik gegn rússneska liðinu Tekstilshik á laugadag. Í kjölfarið samdi Fjarðabyggð síðan við hann í gær.