„Bara eins og eftir sigurleiki yfirleitt , bara mjög ánægður með sigurinn og ánægður með frammistöðuna“ sagði Ólafur Kristjánsson, þjálfari Þróttar, eftir 2-0 sigur á Þór/KA í Laugardalnum í dag
Lestu um leikinn: Þróttur R. 2 - 0 Þór/KA
„Ánægður með hvernig liðið dílaði við þennan leik. Þetta var ekki leikur þar sem að það átti að bjóða upp á einhverja, eitthvað spil, þetta var mikið um langa bolta, návígi, seinni bolta. Mér fannst dómarinn díla vel við það. Það var fljótlega ljóst að snemma í leiknum að það var einhver spenna hérna í kring um varamannabekkina. Mitt lið dílaði frábærlega við það. Tók bara þátt í þessum slag, vann tæklingarnar, seinni boltana og svo þegar að við gátum og þurftum að setja saman sóknir þá gerðum við það og svo í restina bara keyra þessu rólega heim.“ hélt hann svo áfram og hrósaði í framhaldinu markverði sínum, Mollee Swift, fyrir frábæra frammistöðu.
Það var tilkynnt í þessari viku að Caroline Murray, leikmaður Þróttar, myndi halda heim til Bandaríkjanna þegar glugginn opnar og spila þar með Sporting Club Jacksonville í Flórída en hvað er Þróttur að missa í þeim leikmanni?
„Við erum náttúrulega að missa feikilegan hraða og kraft og svona einn á einn leikmann úti á kanti sem er búin að vera frábær fyrir Þrótt núna í fyrra og í ár. Hún er búin að skemmta okkur, leikmönnum, áhorfendum og þjálfurum og öllum bara hérna í þennan tíma sem hún hefur verið. Hún fær þetta tækifæri að komast inn í deild í Bandaríkjunum á þessum aldri, það er bara meiriháttar og við óskum henni bara velgengni þar.“
Viðtalið má sjá í heild sinni í spilaranum.
