Thomas Partey er kominn aftur í La Liga
Spænska félagið Villarreal hefur tilkynnt komu Thomas Partey til félagsins þvert gegn vilja stuðningsmanna félagsins sem höfðu engan áhuga á að fá hann.
Partey er 32 ára gamall og gerir eins árs samning við Villarreal þrátt fyrir mótmæli stuðningsmanna.
Miðjumaðurinn hefur verið kærður fyrir að nauðga þremur konum á Bretlandseyjum frá 2021 til 2022, en hann var látinn laus gegn tryggingu í gær.
Stuðningsmenn voru ósáttir með að félagið væri að sækja leikmann sem sakaður er um kynferðisbrot gegn konum og kallaði eftir því að félagið hætti við skiptin.
Það hafði ekki áhrif á Villarreal sem kynnti hann í dag og sendi um leið frá sér yfirlýsingu að það fylgi þeim reglum að maður er saklaus uns sekt er sönnuð og að það æti sér að virða ferli málsins.
Partey spilaði í fimm ár hjá Arsenal en snýr nú aftur til Spánar þar sem hann kom ferli sínum á flug. Hann varð Spánar- og Evrópudeildarmeistari með Atlético Madríd og lék einnig með Almería og Mallorca.
Villarreal CF and @ThomasPartey22 have reached an agreement for the Ghanaian footballer to join the Yellows ahead of the 2025/26 season.
— Villarreal CF English (@VillarrealCFen) August 7, 2025
The player will join up with his new team tomorrow at the Training Ground. pic.twitter.com/z8J9jJ9wEK
Athugasemdir
