Raziak á láni til Southampton (Staðfest)

Þessi 27 ára gamli hávaxni framherji kom til Tottenham á tvær milljónir punda síðastliðið sumar en auk hans hefur Southampton krækt í Jermaine Wright miðjumann Leeds út tímabilið.

,,Við keyptum Gregorz í sumar sem varamann fyrir Mido. Honum gekk vel í varaliðinu og skoraði mikið en þegar Mido fór í Afríkukeppnina urðum við að setja hann í byrjunarliðið. En hann komst ekki í takt við leikin vegna þess hve lítið hann hefur spilað í þessari deild. Hann þurfti tíma til að aðlagast en þetta er úrvalsdeildin og tími er munaður sem að við höfum ekki," sagði Martin Jol stjóri Tottenham.

Hann bætti við: ,,Með framherja þá er sjálfstrautið allt og þegar ég hugsa til baka þegar markið hans á móti Liverpool var dæmt af þá hefðu hlutirnir geta farið öðruvísi. Ég talaði við Gregorz og ég veit að hann er óánægður með tíma sinn hjá okkur og er við því að búast ég er líka óánægður að þetta skuli ekki hafa gengið upp. En nú er rétti tímin til að halda áfram."

,,Gregorz vildi spila fótbolta í hverri viku, sérstaklega þar sem HM er í sumar og ég ber virðingu fyrir því. Ég óska honum alls hins besta hjá Southampton."