Maresca brosti út að eyrum til ljósmyndara

Leikmenn Manchester City mættu aftur til starfa í dag eftir landsleikjahlé og það vantaði ekki ljósmyndarana fyrir utan æfingasvæðið.

Þetta var í fyrsta sinn sem hópurinn kemur saman síðan félagið var dæmt fyrir alvarleg brot á fjárhagsreglum.

Enzo Maresca brosti sínu breiðasta til ljósmyndara og lyfti þumlinum til þeirra. City heimsækir Liverpool á Anfield á sunnudaginn og á morgun mun Maresca sitja fyrir svörum á fréttamannafundi.

Það var líka létt yfir norsku stórstjörnunni Erling Haaland þegar hann mætti á æfingasvæðið.

Það má búast við rafmögnuðu andrúmslofti kringum leikinn á Anfield á sunnudaginn og breskir fjölmiðlar segja að lögreglan verði með sérstakan viðbúnað.