Newcastle vonast til að framlengja samning sinn við þýska markvörðinn Loris Karius.
Karius gekk í raðir Newcastle fyrir yfirstandandi tímabil og skrifaði þá undir samning þangað til í janúar.
Hann er varamarkvörður fyrir Nick Pope og í Newcastle er litið á hann sem góðan kost í þá stöðu. Félagið vill því halda honum út leiktíðina hið minnsta.
Karius yfirgaf Liverpool síðasta sumar en hann hafði ekkert spilað fyrir félagið frá því hann varði mark liðsins í úrslitaleik Meistaradeildarinnar gegn Real Madrid árið 2018. Í þeim leik gerði hann tvö mistök sem kostuðu mark og Liverpool tapaði 3-1. Hann er þekktastur fyrir þann leik, því miður fyrir hann.
Newcastle hefur komið mikið á óvart á tímabilinu og er sem stendur í þriðja sæti ensku úrvalsdeildarinnar.
Howe keen to extend Loris Karius short-term Newcastle United deal before January https://t.co/VI7sA0ifi1 #nufc
— Lee Ryder (@lee_ryder) December 8, 2022
Athugasemdir