Samþykkir ekki uppsögn þjálfarans

Kartal sagði starfi sínu lausu eftir 1-1 jafnteflið gegn Roma í Meistaradeildinni í kvöld og kvaðst aldrei ætla að snúa aftur. Hann vildi greiða leiðina fyrir næsta þjálfara á meðan samband hans við félagið væri enn gott, en þetta sagði hann á blaðamannafundi áður en hann yfirgaf leikvanginn.

Yildirim, sem var kjörinn forseti félagsins í annað sinn í sumar, sagði hins vegar eftir leikinn að ekki kæmi til greina að samþykkja uppsögnina.

„Ismail Kartal mun halda áfram störfum þar til ég yfirgef félagið,“ sagði Yildirim.

Það er mikil dramatík í tyrkneska boltanum og tilfinningarnar leyna sér ekki, en næstu dagar leiða í ljós hvort Kartal verði áfram.

Trabzonspor hafnaði einnig uppsögn Fatih Tekke eftir að liðinu mistókst að komast í Evrópudeildina í síðasta mánuði en varð að lokum við ósk hans.