Karan Gurung.
Leiknir Reykjavík byrjaði vel í Fótbolta.net mótinu í gær er þeir unnu sigur gegn HK. Leikurinn fór fram í Kórnum í Kópavogi.
Gestirnir skoruðu tvívegis á tíu mínútna kafla í fyrri hálfleik og bættu síðan við tveimur til viðbótar í þeim síðari.
Það vakti mikla athygli að í leikmannahópi Leiknis var hinn 13 ára gamli Karan Gurung. Hann kom við sögu og gerði sér lítið fyrir og skoraði.
Það er ljóst er að þarna er á ferðinni mjög efnilegur leikmaður. Hann er fæddur árið 2008.
Leiknir spilar næsta sumar í Pepsi Max-deildinni - annað árið í röð - og verður fróðlegt að sjá hvort Karan muni koma eitthvað þar við sögu.
Athugasemdir
