Newcastle stillti upp sterku liði en ævintýrin gerast svo sannarlega í bikarnum. Joe Ironside gerði eina markið í leiknum á 57. mínútu fyrir Cambridge.

Eftir leikinn þá ákváðu leikmenn Cambridge að henda í fagn sem Cristiano Ronaldo hefur gert vinsælt. Ronaldo byrjaði að hoppa upp í loft og öskra 'Siu' þegar hann var leikmaður Real Madrid og gerir hann það enn í dag.

Leikmenn Cambridge léku sama leik og Ronaldo eftir sigurinn í gær, eins og sjá má á myndbandinu hér fyrir neðan.

Cambridge er í ensku C-deildinni og situr þar í 16. sæti þessa stundina.