Eintracht Frankfurt og Mainz áttust við í öðrum leik dagsins í þýsku úrvalsdeildinni.

Frankfurt er í harðri baráttu við Dormund um fjórða sætið sem gefur rétt til þáttöku í Meistaradeild Evrópu á næstu leiktíð. Mainz er sex stigum frá umspils fallsæti.

Gestirnir komust yfir á 11. mínútu leiksins þegar Karim Onisiwo skoraði. Það leit lengi vel út fyrir að þetta yrði eina mark leiksins.

Ajdin Hrustic náði að jafna metin þegar fimm mínútur voru til leiksloka. Frankfurt reyndi allt sem það gat til að ná í stigin þrjú og komast í fjórða sæti deildarinnar en það tókst ekki.

Frankfurt er nú í fimmta sætinu, stigi á eftir Dortmund og þremur á eftir Wolfsburg. Mainz er í tólfta sæti deildarinnar.