Gefur í skyn að Trent verði settur á bekkinn

Arne Slot, stjóri Liverpool, sagði frá því á fréttamannafundi í dag að það væru líkur á því að Trent Alexander-Arnold yrði ekki í byrjunarliði liðsins um helgina.

„Það verður sama ferli og í síðustu viku þegar kemur að liðsvalinu. Ef Conor hefði verið til taks þá hefði hann byrjað gegn Chelsea, svo það er möguleiki að hann byrji um helgina," sagði Slot um Conor Bradley.

Trent hefur ákveðið að framlengja ekki samninginn sinn við Liverpool og mun ganga í raðir Real Madrid í sumar. Eina spurningin í dag er hvort hann skipti til Real í tæka tíð til að spila á HM félagsliða.