Alan Hansen, fyrrum leikmaður Liverpool og skoska landsliðsins, er þungt haldinn á spítala vegna alvarlega veikinda en þetta staðfestir Liverpool á samfélagsmiðlum.
Hansen var á mála hjá Liverpool frá 1977 til 1991, en hann bar fyrirliðabandið og vann átta deildaritla, Evrópukeppni meistaraliða og enska bikarinn þrisvar sinnum ásamt því að vinna deildabikarinn fjórum sinnum.
Sex sinnum var hann valinn í lið ársins og er hann talinn með allra bestu leikmönnum í sögu félagsins.
Hansen liggur nú þungt haldinn á spítala vegna alvarlega veikinda, en Liverpool sendir honum stuðningskveðjur á samfélagsmiðlum.
„Hugur og stuðningur allra hjá Liverpool FC eru hjá goðsagnarkenndum fyrrum fyrirliða félagsins, Alan Hansen, sem liggur alvarlega veikur á spítala,“ segir í kveðju Liverpool.
The thoughts and support of everyone at Liverpool FC are with our legendary former captain Alan Hansen, who is currently seriously ill in hospital.
— Liverpool FC (@LFC) June 9, 2024
Athugasemdir
