Frakkar geta tryggt sér toppsætið með sigri en stórþjóðin getur misst af sætinu með tapi eða jafntefli.

Frakkar taka á móti Írum sem unnu afar óvænt heimaleik gegn Hollandi á föstudaginn. Írar eru í öðru sæti eftir sigurinn, aðeins einu stigi á eftir Frakklandi.

Þetta þýðir að Írar geta tryggt sér toppsæti riðilsins með sigri, en ef leikurinn endar með tapi eða jafntefli gæti liðið endað í þriðja sæti.

Hollendingar, sem eru einu stigi á eftir Írum, eiga nauma möguleika á toppsætinu eftir tapið óvænta á Írlandi. Þær þurfa sigur gegn botnliði Póllands og um leið að treysta á jafntefli í Frakklandi.

Holland myndi þá enda með jafn mörg stig og Frakkland og verri markatölu, en með betri árangur í innbyrðisviðureignum sem skipta öllu máli þegar lið enda jöfn.

Í öðrum leikjum dagsins eigast Svíþjóð og Ítalía við í úrslitaleik um annað sætið í riðli 1 á meðan Þýskaland og Noregur mæta til leiks í riðli 4, en úrslitin í þeirra riðli eru þegar ráðin.

Danir sitja á toppi riðils 1 og nægir þeim jafntefli í Serbíu til að tryggja sætið.

Svo eru einnig leikir á dagskrá í B- og C-deildum undankeppninnar.

A-deild
16:00 Noregur - Austurríki
16:00 Slóvenía - Þýskaland
17:00 Serbía - Danmörk
17:00 Svíþjóð - Ítalía
19:00 Ísland - Spánn
19:00 England - Úkraína
19:00 Frakkland - Írland
19:00 Holland - Pólland

B-deild
17:00 Finnland - Portúgal
17:00 Lettland - Slóvakía
17:00 Wales - Tékkland
17:00 Albanía - Svartfjallaland
17:00 N-Írland - Sviss
17:00 Malta - Tyrkland
17:00 Lúxemborg - Belgía
17:00 Ísrael - Skotland

C-deild
17:00 Eistland - Bosnía
17:00 Litháen - Liechtenstein
17:00 Króatía - Búlgaría
17:00 Gíbraltar - Kósovó
17:00 Ungverjaland - Andorra
17:00 N-Makedónía - Aserbaídsjan
17:00 Georgía - Grikkland
17:00 Kýpur - Moldóva
17:00 Belarús - Armenía