„Það er góð tilfinning að tengja saman sigra. Gott að sjá eljusemi leikmannanna, viljann, dugnaðinn, áræðni. Fyrstu orðinn- sem koma upp í huga,“ sagði Guðni Eiríkson, þjálfari kvennaliðs FH, eftir 3-1 sigur liðsins á Fylki í dag.
Spurður um hvort það hefði tekið styttri tíma en hann átti vona að koma Phoenitu Browne inní í leik liðsins svaraði hann: „Nei. Við reyndum að fá hana í síðasta glugga og það klikkaði á einhverjum pappírum á lokadegi. Þannig að hún var komin snemma til okkar, löngu áður en glugginn opnaði. Þannig að hún er búin að æfa með okkur lengi“
Spurður um hvort aðrir leikmenn væru að græða á því plássi sem skapast vegna komu Browne sagði hann: „Já. Algjörlega,“ hann hélt svo áfram og sagði: „Hins vegar vil ég benda á það að mér finnst oft, þrátt fyrir að mér hafi fundist dómarinn í dag öflugur og góður, þá hefur mér fundist að það er stöðugt tekið á henni. Hún er stór og sterk og skilaboðin sem hún fær frá dómurum er að hún eigi bara að standa í lappirnar. Það er verið að rífa í hana, það er verið að haldi í hana og sparka í lappirnar á henni. “
Athugasemdir
