09.12.07 - 17:47
Magnús Már Einarsson
Jóhann Hreiðarsson í Dalvík/Reyni (Staðfest)
Mynd: Dalvík/Reynir
Mynd: Dalvík/Reynir
Miðjumaðurinn Jóhann Hreiðarsson hefur gert samning um að gerast spilandi aðstoðarþjálfari hjá Dalvík/Reyni í þriðju deild.
Jóhann hefur áður leikið með Dalvík en hann hefur undanfarin ár verið á mála hjá Þrótti.
Nú hafa félögin hins vegar komist að samkomulagi um félagaskiptin og Jóhann mun auk þess að spila með Dalvík/Reyni aðstoða Örlyg Þór Helgason við þjálfun félagsins.
Þessi 27 ára gamli leikmaður hefur átt við þrálát nárameiðsli að stríða undanfarin tvö ár og einungis leikið ellefu leiki í fyrstu deildinni með Þrótti á þeim tíma, þar af einungis fjóra í sumar.
Jóhann sem hefur einnig leikið með Val og Víkingi hér á landi, lék með Dalvík í 1.deildinni frá 1999-2001 en á þeim tíma skoraði hann 21 mark í 46 leikjum með liðinu.
Nú hafa félögin hins vegar komist að samkomulagi um félagaskiptin og Jóhann mun auk þess að spila með Dalvík/Reyni aðstoða Örlyg Þór Helgason við þjálfun félagsins.
Þessi 27 ára gamli leikmaður hefur átt við þrálát nárameiðsli að stríða undanfarin tvö ár og einungis leikið ellefu leiki í fyrstu deildinni með Þrótti á þeim tíma, þar af einungis fjóra í sumar.
Jóhann sem hefur einnig leikið með Val og Víkingi hér á landi, lék með Dalvík í 1.deildinni frá 1999-2001 en á þeim tíma skoraði hann 21 mark í 46 leikjum með liðinu.
