Jakub Byström skoraði í sigri Fram
Framarar unnu góðan 3-1 sigur á Leiknismönnum í 2. umferð í A-riðli Reykjavíkurmótsins á Lambhagavellinum í Úlfarsárdal í dag.
Breiðhyltingar fengu draumabyrjun í boði Viktors Andra Péturssonar sem kom sínum mönnum í forystu á 4. mínútu leiksins en það reyndist eina mark þeirra.
Kennie Chopart jafnaði fyrir Framara eftir rúman hálftíma og staðan jöfn í hálfleik.
Framarar uppskáru sigur með tveimur mörkum á lokakaflanum frá Jakub Byström og Róberti Haukssyni, en Róbert gekk einmitt í raðir Fram frá Leikni í byrjun síðasta árs.
Flottur sigur hjá Fram sem er komið á toppinn í A-riðli með 4 stig og í ansri góðri stöðu fyrir lokaleikinn gegn Íslandsmeisturum Víkings. Leiknismenn eru áfram án stiga á botninum.
Athugasemdir
