Í BEINNI - Hárprúði United maðurinn horfir á leikinn

Hinn hárprúði Frank Ilett gæti komist í klippingu í kvöld en þá þarf Manchester United að vinna West Ham.

Ilett, þekktur sem The United Strand, hefur hlotið heimsfrægð á samfélagsmiðlum eftir að hann gaf það út að hann myndi ekki klippa hár sitt nema ef Manchester United myndi vinna fimm leiki í röð.

United hefur unnið fjóra í röð eftir að Michael Carrick tók við og 493 daga bið Ilett eftir klippingu gæti lokið í kvöld.

Í gegnum beint streymi er hægt að fylgjast með Ilett horfa á leikinn og útsendinguna má nálgast hér að neðan.