Unglingalandsliðskona semur í Keflavík

Margrét þykir mikið efni og leikur fyrir U16 landslið Íslands. Hún hefur fest sig í sessi í byrjunarliði Keflavíkur þrátt fyrir ungan aldur og er búin að byrja alla leiki nema einn í deild og bikar á tímabilinu.

Hún á sex leiki að baki fyrir unglingalandsliðin og lék fyrir 2., 3. og 4. flokk í fyrrasumar.

Margrét er fjölhæfur leikmaður sem getur meðal annars spilað á kanti og í fremstu víglínu. Hún er komin með eitt mark í Lengjudeildinni en Keflavík er í fallbaráttu með 7 stig eftir 8 umferðir.