Tryggvi Hrafn: Held það sé alveg klárt að ég klári tímabilið hér

Ingimar Elí Hlynsson, framkvæmdastjóri ÍA, sagði í viðtali hér á Fótbolta.net í síðasta mánuði að hann væri bjartsýnn á að ná samkomulagi við Val um að Tryggvi gangi til liðs við félagið núna í glugganum.

Valur lagði Breiðablik af velli í gær og Tryggvi Hrafn skoraði og lagði upp. Hann var í viðtali við Sýn Sport eftir leikinn. Hann var spurður að því hvort hann myndi klára tímabilið með Val

„Ég veit ekki betur [en að ég klári tímabilið í Valstreyjunni]. Ég hef, í fullri hreinskilni, hvorki talað við Val eða ÍA undanfarið. Ég held að það sé alveg klárt að ég klári tímabilið hér," sagði Tryggvi.