Skoraði í fyrsta heimaleiknum - „Vil gefa stjóranum hausverk“

Guimaraes kom til Arsenal frá Newcastle United í sumarglugganum og stimplaði sig inn með stæl í sínum fyrsta heimaleik fyrir félagið.

„Þetta er ótrúleg tilfinning. Við vorum ekki upp á okkar besta gegn Brighton en vorum staðráðnir í að svara fyrir það.“

„Þetta er fyrsti keppnisleikurinn minn hér á heimavelli og það er ótrúlegt að skora svona mikilvægt mark. Þrjú mikilvæg stig og geggjaður endir. Ég er í skýjunum,“ sagði Guimaraes.

Hann vill nú vinna sér fast sæti í liðinu og gera stjóranum erfitt fyrir að skilja sig eftir á bekknum.

„Þetta er geggjuð tilfinning. Ég vil leggja mig allan fram og gefa stjóranum hausverk. Ég er bara ánægður með að hafa skorað mitt fyrsta mark hér.“

„Ég hef sýnt hvað ég get í úrvalsdeildinni undanfarin fimm ár en þetta er auðvitað ný áskorun. Það skiptir mig máli að fá að spila.“

„Við vitum hversu erfið enska úrvalsdeildin er. Leeds er með frábært lið og þetta var erfiður leikur. Ég er ánægður með að við skyldum ná í þrjú stig. Þau eru alltaf vel þegin,“ sagði Guimaraes.