Úrvalslið vikunnar í enska - Þrír frá Newcastle

Brad Guzan hélt hreinu og hjálpaði Aston Villa að landa stigi gegn West Ham á útivelli. Daryl Janmaat og Fabricio Coloccini voru báðir öflugir í sigri Newcastle á WBA en hárprúði Argentínumaðurinn skoraði skallamark í leiknum.

Ryan Shawcross hélt Harry Kane framherja Tottenaham niðri í 2-1 sigri Stoke í leik liðanna á White Hart Lane. Cesar Azpilicueta átti síðan enn einu sinni flottan leik með Chelsea í sigri á Liverpool.

Liðsfélagi hans Oscar átti líka góðan leik á Anfield og Remy Cabella var öflugur í sigri Newcastle á WBA. Emre Can skoraði fyrir Liverpool og frammistaða hans var það góð að hann er í liði vikunnar þrátt fyrir tapið gegn Chelsea. Jefferson Montero er síðan á vinstri kantinum en hann var með áætlunarferðir framhjá Calum Chambers í sigri Swansea á Arsenal.

Charlie Austin skoraði fyrra mark QPR í 2-2 jafnteflinu gegn Manchester City en hann hafði fyrr í leiknum tvívegis skorað mörk sem voru dæmd af. Sergio Aguero er með honum frammi í liði vikunnar en hann skoraði bæði mörk City í leiknum.

Sjá einnig:
Fyrri úrvalslið í enska boltanum