Arna Sif Ásgrímsdóttir lék í vörn Glasgow City í 7-0 stórsigri gegn Forfar Farmington í skosku úrvalsdeildinni í dag.
Arna var komin með fyrirliðabandið hjá skoska félaginu í dag þrátt fyrir að hafa aðeins þreytt frumraun sína með Glasgow City um síðustu helgi.
Hún skoraði um síðustu helgi og í dag lagði hún upp ásamt því að vera traust í varnarleiknum.
Tilkynnt var um lánssamning frá Þór/KA í desember en skoska kvennadeildin fór nýlega aftur af stað eftir langa pásu vegna kórónuveirufaraldursins.
Glasgow sló út Val í 32-liða úrslitum Meistaradeildarinnar í nóvember. Sú viðureign fór í vítaspyrnukeppni. Liðið er með 24 stig eftir níu leiki í öðru sæti skosku úrvalsdeildarinnar.
Hér að neðan má sjá mörkin sem voru skoruð í dag.
Athugasemdir