Jens Elvar til Fjarðabyggðar á láni (Staðfest)

Jens sem er 26 ára getur spilað bæði í bakverði og í miðverði en hann æfði með dönskum liðum í vetur. Á síðustu leiktíð lék hann ellefu leiki með Fylki í Landsbankadeildinni.

Hann gekk til liðs við Fylki fyrir síðasta tímabil en hann kom frá Þrótti þar sem hann er uppalinn. Hann skoraði meðal annars tvö mörk í fimmtán leikjum fyrir síðarnefnda félagið í Landsbankadeildinni árið 2005.

Jens hefur þegar fengið leikheimild með Fjarðabyggð og getur hann því leikið með liðinu í fyrstu umferð fyrstu deilarinnar á sunnudaginn þar sem liðið mætir hans gömlu félögum í Þrótti.