Ngumoha heillaði Thomas Tuchel á æfingum og í leikjum
Ungstirnið Rio Ngumoha var á skotskónum í 6-0 stórsigri enska landsliðsins á Miami FC í æfingaleik sem fór fram fyrir luktum dyrum í West Palm Beach í Flórída í dag.
Ngumoha, sem er 17 ára gamall, er ekki í 26 manna landsliðshópi Englendinga en hefur verið að æfa og spila með liðinu í undirbúningnum.
Hann var valinn maður leiksins í fyrsta landsleik sínum á dögunum og átti svo aðra stórkostlega frammistöðu gegn Miami FC, sem var síðasti leikur Englendinga fyrir heimsmeistaramótið.
Craig Hope hjá Daily Mail segir hann hafa skorað stórglæsilegt mark fyrir utan teig gegn Miami.
Þar kemur fram að Ivan Toney hafi skorað þrennu og að Jordan Henderson og Ethan Nwaneri hafi einnig komist á blað.
Kobbie Mainoo og Marc Guehi áttu góðan leik í liði Englendinga, en leikmenn á borð við Jude Bellingham og Harry Kane voru ekki með þar sem þeir spiluðu í 3-0 sigrinum á Kosta Ríka á dögunum.
???? EXC: England beat Miami FC 6-0 in training ground practice game
— Craig Hope (@CraigHope_DM) June 11, 2026
???? Ivan Toney among the goals & was star man
???? A "worldie" goal for Rio Ngumoha too!
???? More details ????https://t.co/V6n5HnY5nj
Allir 104 leikirnir á HM verða í beinni á RÚV.
Samfelldar útsendingar frá því síðdegis og fram á nótt.
Kvöldin verða geggjuð í sumar!
