Það er ekkert óvænt við byrjunarliðin fyrir úrslitaleik Evrópumótsins í kvöld. Það verður flautað til leiks á Wembley klukkan 19:00.
Eins og vanalega, þá var búið að leka enska liðinu í fjölmiðla nokkrum klukkustundum fyrir leik. Gareth Southgate, landsliðsþjálfari Englands, mun notast við þriggja manna vörn í kvöld.
Kieran Trippier, bakvörður Atletico Madrid, kemur inn í liðið fyrir Bukayo Saka.
Ítalir eru ekkert að flækja hlutina. Þeir eru með sama byrjunarlið og gegn Spáni í undanúrslitunum.
Byrjunarlið Englands: Pickford, Trippier, Walker, Stones, Maguire, Shaw, Rice, Phillips, Mount, Kane, Sterling.
Byrjunarlið Ítalíu: Donnarumma, Di Lorenzo, Bonucci, Chiellini, Emerson, Barella, Jorginho, Verratti, Chiesa, Immobile, Insigne.
Athugasemdir