Gylfi Þór: Ég skoraði með hörkuskalla

Gylfi viðurkennir að það hafi verið erfitt að brjóta Kýpverja á bak aftur, en hann var þó ánægður með að sigur hafi unnit.

„Við erum mjög sáttir. Þetta var eiginlega bara skyldusigur og við sköpuðum mikið af færum í fyrri hálfleik. Það var kannski smá pirringur og spenna í okkur í hálfleik af því við vorum ekki búnir að skora, en við héldum ró okkar og náðum að klára þetta í seinni hálfleik,“ sagði Gylfi.

„Við sköpuðum fullt af færum og vorum mjög nálægt því að skora, en svona er þetta, þeir voru með marga í vörn og það var erfitt að brjóta þá niður. En við náðum fyrsta markinu og það var mjög mikilvægt. Það var mjög gott að skora, sérstaklega þar sem Jói var næstum því búinn að skora. En síðan náði Kolli að klára þetta og það var mjög sætt að komast 1-0 yfir loksins.“

Markið hans Gylfa var ansi skrautlegt og þakkaði hann Kolbeini Sigþórssyni fyrir að eyðileggja ekki fyrir sér.

„Ég skoraði eiginlega bara með hörkuskalla þarna. Ég fékk boltann í hausinn á mér og sem betur fer lét Kolli hann fara, hann hefur örugglega verið rangstæður,“ sagði Gylfi, sem hlakkar til Noregsleiksins.

„Það er frábært að fara út núna og vera í séns á að komast í umspilið. Þetta er búið að vera markmið okkar síðan undankeppnin byrjaði og það er frábært að vera enn í keppninni. Við þurfum bara þrjú stig og þá erum við öruggir í umspilssæti. Nú þurfum við bara að ná okkur niður á jörðina og jafna okkur fyrir næsta leik, og vera klárir gegn Noregi,“ sagði Gylfi.

Viðtalið má sjá hér að ofan.