Gerrard: Mögulega besti fótboltamaður í sögu Englands

Gerrard telur Kane eiga skilið að fá Ballon d'Or verðlaunin í sinn hlut og óttast að þetta sé síðasta tækifærið fyrir hann. Ballon d'Or verðlaunaafhendingin fer fram í London á mánudagskvöldið.

„Hann er mögulega besti fótboltamaður í sögu Englands og það er stærsta hrós sem ég get gefið honum. Þegar talað er um goðsagnir enska landsliðsins verður nafnið hans Harry Kane að vera með í umræðunni," sagði Gerrard.

„Hann er svo gáfaður leikmaður. Hann er útsjónasamur og með ótrúlega sendingagetu auk þess að vera stórhættulegur fyrir framan markið. Þetta er leikmaður í heimsklassa sem getur gert allt. Ég vona að hann fái þá viðurkenningu sem hann á skilið á verðlaunaafhendingu Ballon d'Or.

„Harry tikkar í öll boxin og ég vona að hann hreppi þessi verðlaun. Ég óttast að það sé núna eða aldrei fyrir hann að vinna Ballon d'Or."