Carrick þarf sigur gegn Bournemouth

Þjálfarastarf Carrick er í hættu eftir arfaslaka byrjun á nýju tímabili og var 4-1 tap gegn Como í miðri viku ekki hjálpsamlegt. Sky Sports segir að Carrick verði áfram við stjórnvölinn gegn Bournemouth en að það styttist í að hann verði rekinn takist honum ekki að rétta úr kútnum.

Frétt frá Sky segir að leikurinn gegn Bournemouth geti ráðið úrslitum fyrir framtíð Carrick en hinir ýmsu þjálfarar hafa verið orðaðir við starfið hjá Rauðu djöflunum á síðustu dögum.

Eins og greint hefur verið frá mun Bruno Fernandes ekki missa fyrirliðabandið þrátt fyrir ummælin sín eftir tapið gegn Como og er ekki búist við að hann hljóti refsingu.

Meiðslavandræði hafa sett strik í reikninginn á nýju tímabili en stjórnendur vilja byrja að sjá árangur eftir að hafa keypt nýja miðjumenn til félagsins fyrir rúmlega 150 milljónir punda síðasta sumar.