fös 11. október 2019 23:30
Guðmundur Aðalsteinn Ásgeirsson
Van Dijk: Er ekki erfitt að halda með Everton?
Mynd: Getty Images
Virgil van Dijk, varnarmaður Liverpool, skaut létt á ungan stuðningsmann Liverpool í skemmtilegu viðtali.

Liverpool birti í gær myndband þar sem Van Dijk er tekinn í viðtal af átta ára krökkum.

Það fyndnasta við myndbandið er þegar Van Dijk áttar sig á því að einn strákurinn er stuðningsmaður Everton. Van Dijk spurði hann hvort hann hefði verið ánægður þegar Liverpool vann Meistaradeildina og þegar strákurinn svaraði því neitandi, þá sagði Van Dijk:

„Heldurðu með Everton? Er það ekki erfitt? Það hlýtur að vera mjög erfitt," sagði Van Dijk.

Undir lok myndbandsins, sagði Van Dijk við strákinn: „Gangi þér vel. Þetta verður erfitt ár fyrir ykkur."

Liverpool er á toppnum í ensku úrvalsdeildinni með fullt hús stiga eftir átta umferðir. Á meðan hefur Everton byrjað afar illa og er í fallsæti.

Gylfi Þór Sigurðsson er á mála hjá Everton.



Athugasemdir
banner
banner
banner
banner
banner