Lárus gaf ekki kost á viðtali - „Hef ekki hugmynd um það“

„Við spiluðum orkumikinn og góðan fótbolta. Þetta var hörkuleikur, skemmtilegur leikur þar sem bæði lið vildu vinna“, sagði Aron.

Breyttu til í hálfleik
Skagamenn áttu í erfiðleikum með að klára sóknir sínar í fyrri hálfleik en komu sterkari til leiks eftir hlé.

„Við komumst tiltölulega auðveldlega á síðasta þriðjung vallarins en náðum ekki að klára sóknirnar. Það var ákveðið seinlæti í sóknarleiknum okkar og þeir voru stórhættulegir í skyndisóknum.“

Aron Ýmir sagði liðið hafa brugðist við þessu í hálfleik.

„Við fórum yfir þetta í hálfleik og breyttum sóknarvörninni hjá okkur. Seinni hálfleikurinn fór meira og minna fram á þeirra vallarhelmingi.“

Hann taldi jafnteflið sanngjörn úrslit.

„Þetta var hörkuleikur og skemmtilegur leikur. Ég held að jafntefli séu nokkuð réttlát úrslit.“

Lárus Orri gaf ekki kost á sér
Aron Ýmir var einnig spurður út í fjarveru Lárusar Orra Sigurðssonar, sem gaf ekki kost á sér í viðtal eftir leikinn.

„Ég hef bara ekki hugmynd um það,“ sagði Aron Ýmir þegar hann var spurður hvers vegna Lárus Orri hefði ekki mætt í viðtal.

Stefna á fjórða sætið
Tvær umferðir eru eftir af tímabilinu og Skagamenn stefna á að enda í fjórða sæti deildarinnar.

„Þótt fjórða sætið gefi ekki Evrópubolta þá stefnum við ótrauðir á það. Það væri besti árangur ÍA síðan 2007, ef mig misminnir ekki.“

„Það er alltaf eitthvað fyrir okkur að keppa að og eitthvað til að stefna á.“

Viðtalið í heild sinni er hér fyrir ofan.