Það hefur komið Daniel James, vængmanni Manchester United, á óvart í hversu stóru hlutverki hann hefur verið í hjá félaginu á fyrstu mánuðum sínum hjá félaginu.

James var keyptur í sumar á 15 milljónir punda frá Swansea. James hefur byrjað flesta leiki hjá United og verið í lykilhlutverki í sóknarleik liðsins.

„Það var alltaf ljóst að verkefnið yrði krefjandi og öðruvísi en að spila í Championship deildinni," sagði James sem hefur skorað þrjú mörk í 16 leikjum á leiktíðinni.

„Ég hef reynt að vera yfirvegaður og hugsað um að það er ástæða fyrir því að ég er hér. Ég bjóst ekki við því að spila eins mikið og raunin hefur verið. Ég hef lært og stjórinn hefur sýnt mér traust sem gleður mig."

„Það var nauðsynlegt að ná í þrjú stig um helgina og fara með jákvæðni inn í landsleikjahléið. Næsti leikur er gegn erfiðu liði Sheffield United þar sem við verðum að sýna góða frammistöðu."

Manchester United hefur unnið fimm af síðustu sex leikjum sínum í öllum keppnum og komst með sigrinum á Brighton um helgina upp í sjöunda sæti deildarinnar.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit