Bruno Fernandes, leikmaður Sporting í Portúgal, skoraði tvö mörk í 3-1 sigri á Vitoria de Setubal í portúgölsku deildinni í gær en hann virtist kveðja stuðningsmenn félagsins í leiðinni.
Manchester United er í viðræðum við Sporting um kaup á Fernandes en portúgalska liðið er í fjárhagserfiðleikum þessa stundina.
Viðræðurnar eru komnar langt á veg og var Fernandes líklega að spila sinn síðasta leik fyrir félagið en hann gerði tvö mörk.
Hann er kominn með 7 mörk og 8 stoðsendingar á tímabilinu en hann gerði fyrra markið úr vítaspyrnu. Leikmenn Sporting fögnuðu með honum og þar horfði hann til stuðningsmanna og sendi koss til þeirra.
Fernandes hljóp þá að stuðningsmönnum í síðara markinu en hægt er að sjá bæði mörkin hér fyrir neðan.
🎥 Here's how Bruno Fernandes scored our second goal of the night! ⚽#VFCSCP #LigaNOS
— Sporting Clube de Portugal (@SportingCPen) January 11, 2020
pic.twitter.com/2BPccnlZyh
Bruno Fernandes has scored two more goals for Sporting tonight 👀
— GiveMeSport Football (@GMS__Football) January 11, 2020
🔜 Manchester United? 🤔 #MUFCpic.twitter.com/xBB9YuK5L5
Athugasemdir