Gunni Einars hefur trú á Leikni: Nógu sterkur hópur til að fara upp

„Við fengum færi í fyrri hálfleik en svo fór þetta á rangan veg hjá okkur í seinni hálfleik. Búið og gert. Ætlum ekki að dvelja við þetta, það er leikur á miðvikudaginn," sagði Gunnar og var svo spurður út í hörkuna sem einkenndi leikinn.

„Það komu vissulega upp atvik í leiknum sem voru kannski ekki falleg en það er enginn slasaður svo allt í góðu."

Kári spilar við Selfoss í fyrstu umferð 2. deildar á Þjóðhátíðardag Íslendinga 17. júní. Gunni er mjög spenntur að fara af stað og hlakkar til að sjá Garðar Gunnlaugsson koma sér betur inn í lið Kára.

Hann hefur mikla trú á sínu fyrrum félagi Leikni R. í Lengjudeildinni og hefur trú á að þeir muni vera í toppbaráttunni. Hann segir markmið Kára vera að halda sig í 2. deild.

„Ég er sannfærður um að þetta er nógu sterkur hópur til að gera öfluga atlögu á að fara upp um deild. Og ég meina það.

„Okkar markmið eru að gera leikinn skemmtilegri, ná betri árangri en í fyrra, njóta, skemmta og bara, þú veist, hafa gaman."