Sigurbjörn Hreiðarsson, þjálfari Grindvíkinga, var sársvekktur eftir 2-2 jafntefli á útivelli gegn Víkingi í Ólafsvík.
Grindavík komst í tveggja marka forystu í upphafi síðari hálfleiks en Ólsarar náðu að jafna, enda manni fleiri síðasta hálftímann.
„Við vorum algjörir aular í þessum leik, að hafa ekki gengið frá þessu þegar við fengum færi til að gera það er algjör klaufaskapur frá a til ö. Við missum mann útaf í 2-1 stöðu og gefum færi á okkur sem er djöfullegt. Fúlt að fá svo á sig jöfnunarmark, bæði mörk sem við hefðum svo auðveldlega komið í veg fyrir," sagði Bjössi.
„Þetta er eins og sagan hefur aðeins verið. Við komumst yfir í þessum leikjum en missum fókus á ákveðnum tímapunktum sem er súrt. Mér fannst við vera með þennan leik en köstuðum honum frá okkur eins og frisbídisk. Eða ónýtt búmerang.
„Þetta snýst bara um að vera í fókus allan leikinn. Það þýðir ekkert að vera í fókus í 60 eða 70 mínútur, þetta er 90 mínútna leikur. Ef við ætlum að ná árangri þá verðum við að laga þetta."
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
