Dusan Brkovic hefur yfirgefið Leikni R. eftir að hafa leikið fyrir félagið í fyrrasumar.
Dusan, sem er fæddur 1989, lék með KA og FH í efstu deild áður en hann flutti í Breiðholtið.
Dusan heldur aftur til heimalands síns, Serbíu, þar sem hann mun leika með Jedinstvo Putevi í þriðju efstu deild.
„Leiknir vill þakka Dusan fyrir vel unnin störf og fyrir að vera algjör atvinnumaður innan sem utan vallar," segir meðal annars í tilkynningu frá Leikni.
Dusan spilaði 15 leiki með Leikni í Lengjudeildinni í fyrra og hjálpaði liðinu að forðast fall.
Athugasemdir
