Ingvar Ásbjörn Ingvarsson, leikmaður Leiknis R., hefur ekki komið við sögu í fyrstu leikjum tímabilsins. Hann hefur fengið leyfi frá stjórn Leiknis til að ræða við önnur félög.
Ingvar Ásbjörn, fæddur 1995, hefur verið byrjunarliðsmaður í liði Leiknis undanfarin þrjú ár.
Hann spilar ýmist sem bakvörður eða kantmaður og á 67 leiki að baki í Inkasso-deildinni.
Íslenski félagsskiptaglugginn lokar á miðvikudaginn og því þurfa félög að hafa hraðar hendur á þessum síðustu dögum gluggans.
Leiknir er með þrjú stig eftir tvær umferðir í Inkasso-deildinni en Ingvar hefur leikið fyrir félagið undanfarin ár.
Athugasemdir
