Fótbolti.net

fös 13. september 2019 12:00

Magnús Már Einarsson

Gummi Ben spáir í leiki helgarinnar á Englandi

Guðmundur Benediktsson.

Mynd: Fótbolti.net - Hafliði Breiðfjörð

Liverpool vinnur Newcastle örugglega samkvæmt spá Gumma.

Mynd: Getty Images

Úlfarnir vinna Chelsea ef spá Gumma rætist.

Mynd: Getty Images

Logi Bergmann Eiðsson var með fjóra rétta þegar hann spáði í leikina í ensku úrvalsdeildinni í síðustu umferð.

SJónvarpsmaðurinn góðkunn Guðmundur Benediktsson spáir í leikina að þessu sinni. Gummi Ben opnaði í vikunni Gummi Ben bar á Tryggvagötu 22 en þar eru leikir sýndir í beinni útsendingu.

Liverpool 3 - 1 Newcastle (12:30 á morgun)
Þetta verður býsna þægilegt fyrir heimamenn. 3-1 verða lokatölur en ég er ekki alveg búinn að ákveða hvort Newcastle skori fyrsta markið. Það gæti þurft til að vekja Liverpool eftir landsleikjahléið. Liverpool skorar að minnsta kosti þrjú mörk og þau gætu orðið fjögur ef allt er í góðum gír.

Brighton 0 - 0 Burnley (14:00 á morgun)
Þetta veltur allt á Jóa. Ef Jói spilar fer þetta 0-2 fyrir Burnley. Ef Jói spilar ekki þá er þetta ömurlegt 0-0 jafntefli. Ég vona að Jói spili en ég er ekki bjartsýnn.

Wolves 2 - 1 Chelsea (14:00 á morgun)
Úlfarnir eru besta liðið fyrir utan þessi stóru. Tammy Abraham skorar fyrir Chelsea en það dugar ekki til.

Manchester United 2 - 2 Leicester (14:00 á morgun)
Ég ætla að vona að mínir menn í Manchester United séu búnir að æfa vel í landsleijahléinu. Ég er þó ekki sannæfður um að það dugi til sigurs. Liðin deila stigunum. Jamie Vardy verður ljár í þúfu heimamanna.

Sheffield United 1 - 0 Southampton (14:00 á morgun)
Gæti mér verið meira sama um einhvern leik? Svarið er líklega nei. Heimamenn vinna 1-0 með ensku neðri deildar marki. Það verður mikill barningur í teignum, boltinn fer ekki út úr teignum í 20 sekúndur og það endar með risa marki.

Tottenham - Crystal Palace (14:00 á morgun)
Þetta verður frekar þægilegur heimasigur. Ég sá að Wilfried Zaha var að reka umboðsmanninn sinn fyrr að koma sér ekki í burtu. Það er erfitt að hafa svoleiðis leikmenn í liðinu sínu. Því miður fyrir Roy Hodgson og hans menn tapa þeir 3-1 og Harry Kane skorar tvö. Hann framlengir markaskorun sína úr landsleikjahléinu.

Norwich 1 - 4 Manchester City (16:30 á morgun)
Það er ca tveggja deilda munur á þessum liðum. Gabriel Jesus verður aðalmaðurinn, tveggja marka maður og leggur upp eitt líka.

Bournemouth 3 - 3 Everton (13:00 á sunnudag)
Ef að Gylfi spilar allan leikinn fer þetta 3-3. Ef Gylfi fer út af eða spilar ekki þá vinnur Bournemouth þennan leik. Þetta verður galopinn leikur, besti leikur helgarinnar.

Watford 1 - 3 Arsenal (15:30 á sunnudag)
Ég held það sé óeining hjá leikmönnum Watford eftir að Javi Gracia var rekinn og leikmenn séu ósáttir. Arsenal vinnur 3-1.

Aston Villa 0 - 1 West Ham (19:00 á mánudag)
Eftir því sem ég kemst næst þá vinnur West Ham. Pabbi heldur með West Ham og ég ætla að gefa þeim sigur þarna.

Sjá fyrri spámenn:
Aron Einar Gunnarsson (7 réttir)
Sóli Hólm (5 réttir)
Arnór Sigurðsson (4 réttir)
Logi Bergmann Eiðsson (4 réttir)

		L	U	J	T	ms:	mf:	mun	Stig
1	Man City	32	22	7	3	76	32	+44	73
2	Arsenal	32	22	5	5	75	26	+49	71
3	Liverpool	32	21	8	3	72	31	+41	71
4	Aston Villa	33	19	6	8	68	49	+19	63
5	Tottenham	32	18	6	8	65	49	+16	60
6	Newcastle	32	15	5	12	69	52	+17	50
7	Man Utd	32	15	5	12	47	48	-1	50
8	West Ham	33	13	9	11	52	58	-6	48
9	Chelsea	31	13	8	10	61	52	+9	47
10	Brighton	32	11	11	10	52	50	+2	44
11	Wolves	32	12	7	13	46	51	-5	43
12	Fulham	33	12	6	15	49	51	-2	42
13	Bournemouth	32	11	9	12	47	57	-10	42
14	Crystal Palace	32	8	9	15	37	54	-17	33
15	Brentford	33	8	8	17	47	58	-11	32
16	Everton	32	9	8	15	32	48	-16	27
17	Nott. Forest	33	7	9	17	42	58	-16	26
18	Luton	33	6	7	20	46	70	-24	25
19	Burnley	33	4	8	21	33	68	-35	20
20	Sheffield Utd	32	3	7	22	30	84	-54	16