Ítalía: Arnautovic lagði upp sigurmarkið

Sænski miðjumaðurinn Mattias Svanberg gerði eina mark leiksins er Bologna lagði Verona að velli í ítalska boltanum í kvöld.

Liðin mættust í eina leik dagsins og úr varð mikill baráttuleikur þar sem allt var í járnum þar til á lokakaflanum.

Svanberg skoraði þá eftir undirbúning frá Marko Arnautovic og tryggði Bologna dýrmæt stig.

Sinisa Mihajlovic er við stjórnvölinn hjá Bologna og verðskulduðu lærisveinar hans sigurinn á heimavelli. Þeir voru mun betri í síðari hálfleik og gáfu varla færi á sér.

Bologna er með 7 stig eftir 3 umferðir á meðan Verona er án stiga.