Gæti snúið aftur nokkrum mánuðum eftir að hann var látinn fara

Chris Wilder var látinn taka poka sinn hjá Sheffield United í sumar eftir að honum mistókst að koma liðinu upp í úrvalsdeildina.

Liðið tapaði í úrslitum umspilsins og tóku stjórnendur þá ákvörðun að fara í aðra átt með liðið.

Selles, sem hafði stýrt Southampton, Reading og Hull, var ráðinn inn, en sú ráðning hefur ekki gengið upp.

Sheffield hefur tapað öllum fimm leikjum sínum og nú síðast 5-0 fyrir Ipswich Town. Liðið er í botnsæti deildarinnar og er stjórnin, sem var í stúkunni í síaðsta leik, að missa þolinmæðina.

Daily Star hefur heimildir fyrir því að félagið hafi sett sig í samband við Wilder og því góður möguleiki á að hann taki við liðinu í þriðja sinn á þjálfaraferli sínum.

Wilder kom liðinu upp í ensku úrvalsdeildina árið 2019 en var síðan látinn fara árið 2023. Síðar sama ár tók hann við liðinu og féll með það niður í B-deildina. Eins og kom fram hér að ofan þá fór hann með Sheffield í umspil um sæti í ensku úrvalsdeildina á síðustu leiktíð en tapaði fyrir Sunderland, 2-1, í dramatískum úrslitaleik á Wembley.