„Við erum stoltir af því að ná í stig. Við lögðum upp með að ná í stigið í þessum leik,“ sagði Logi Tómasson eftir 2-2 jafntefli gegn Frakklandi á Laugardalsvelli fyrr í kvöld.
Lestu um leikinn: Ísland 2 - 2 Frakkland
„Við vorum mjög þéttir, lögðumst auðvitað lágt niður á völlinn. En náðum að skora tvö mörk og síðan 'grinduðum' við inn stigið í lokin.“
Frakkland komst yfir um miðbik síðari hálfleiks en Ísland svaraði um hæl og jafnaði metin.
„Það var mjög mikilvægt, mér fannst meðbyrinn vera með þeim eftir að þeir skoruðu en síðan náum við að skora og lokum leiknum sem var mjög mikilvægt.“
Lið Frakklands var stjörnum prýtt, hvernig var að máta sig við þessa leiki?
„Tilfinningin var mjög góð, gaman að fá kallið í svona stórum leik. Vonandi að fólk sjái að maður geti spilað gegn svona leikmönnum, það er bara gaman.“
Viðtalið má sjá í heild sinni í spilaranum hér að ofan.
