Schmeichel til Coventry á láni (Staðfest)

Schmeichel, sem er 21 árs, getur leikið sinn fyrst leik með Coventry þegar að liðið mætir Sheffield Wednesday á morgun.

Chris Coleman stjóri Coventry hefur verið í leit að markverði og hann reyndi meðal annars að fá Ben Foster á láni frá Manchester United.

Hann hefur nú krækt í Schmeichel sem var í upphafi leiktíðar aðalmarkvörður Manchester City. Þessi ungi Dani missti síðan byrjunarlðissætið til Joe Hart og í kjölfarið fór hann til Cardiff á láni.

,,Kasper hefur sýnt á þessu tímabili að hann hefur alla burði til að verða toppmarkvörður í ensku úrvalsdeildinni og ég er ekki í vafa um að hann verður góð viðbót í hópinn," sagði Coleman við heimasíðu Coventry.