Alfreð gæti spilað sinn fyrsta leik á árinu

Íslenski landsliðssóknarmaðurinn Alfreð Finnbogason hefur verið að glíma við vöðvameiðsli og ekki spilað í síðustu tveimur leikjum Augsburg í þýsku Bundesligunni.

Heiko Herrlich sagði á fréttamannafundi í dag að það væru góð tíðindi af Alfreð sem hefði litið vel út á æfingum.

Hann gæti mögulega spilað á morgun þegar Augsburg, sem er í ellefta sæti deildarinnar, leikur gegn Werder Bremen á morgun.

Alfreð er 31 árs og hefur aðeins spilað einn heilan leik á þessu tímabili. Hann er með eina stoðsendingu í deildinni en hefur ekki náð að skora.