Bruce tekur sökina á sig: Margir sem vildu ekki að ég fengi starfið

„Þetta var óásættanlegt og eitthvað sem ég þarf að skoða enn betur. Ég valdi rangt lið og ég þarf að standa fyrir framan ykkur og viðurkenna það, frammistaðan var alls ekki nægilega góð," sagði Bruce á fréttamannafundi í dag.

Mæta Arsenal á mánudag
Bruce finnur fyrir pressunni en margir stuðningsmenn Newcastle hafa látíð óánægju sína með hann í ljós á samfélagsmiðlum.

„Ég þarf að sætta mig við það sem sagt er. Þetta var persónulegt frá fyrsta degi eftir að ég tók við starfinu. Margir voru á þeirri skoðun að ég ætti ekki að fá þetta starf."

Newcastle er í 15. sæti, sjö stigum fyrir ofan fallsæti. Er Newcastle í fallbaráttu?

„Öll lið sem eru í neðri helmingnum hugsa um að tryggja öryggi sitt eins fljótt og hægt er. Við erum á slæmi skriði en við gefumst ekki upp og ætlum að lagfæra hlutina," segir Bruce.

Newcastle heimsækir Arsenal á mánudagskvöld. Jamal Lewis gæti spilað þann leik fyrir Newcastle og þá er Allan Saint-Maximin að snúa aftur til æfinga eftir meiðsli en hann hefur verið frá í töluverðan tíma.