Vitor Pereira er nýr stjóri Forest
Portúgalinn Vitor Pereira er nýr stjóri Nottingham Forest á Englandi, en hann skrifaði undir átján mánaða samning við félagið í dag.
Pereira er áhugamönnum ensku úrvalsdeildarinnar vel kunnugur eftir afrek hans með Wolves á síðustu leiktíð.
Hann tók við liðinu í desember 2024 er liðið var í 19. sæti og náði að bjarga þeim frá falli. Hann kom liðinu á lengstu sigurhrinu allra liða í ensku úrvalsdeildinni á síðustu leiktíð og þá bætti liðið markamet sitt í deild þeirra bestu.
Pereira framlengdi samning sinn í september en var rekinn tveimur mánuðum síðar eftir slaka frammistöðu. Pereira er nú mættur aftur í boðvanginn, en hann hefur verið ráðinn stjóri Nottingham Forest. Hann tekur við keflinu af Sean Dyche sem var rekinn á dögunum.
Portúgalinn er sá fjórði sem stýrir Forest á leiktíðinni. Nuno Espirito Santo var rekinn í september og þá tók Ange Postecoglou við en entist aðeins í mánuð áður en hann var látinn fara.
Dyche var ráðinn í október og náði í nokkur góð úrslit en var látinn fara eftir markalausa jafnteflið gegn Úlfunum á miðvikudag.
Pereira, sem hefur einnig stýrt félögum á borð við Fenerbahce, Porto, Flamengo, Olympiakos og Al Shabab, mun stýra Forest gegn sínum gömlu félögum í Fenerbahce í umspili Evrópudeildarinnar á fimmtudag.
Nottingham Forest is delighted to confirm that Vítor Pereira has been appointed as Head Coach on an 18-month deal.
— Nottingham Forest (@NFFC) February 15, 2026
Pereira began his managerial career in his homeland, Portugal, in 2002. After gaining extensive experience across the country, he took over Porto in 2011, where a… pic.twitter.com/nnHmRKPoLU
Athugasemdir
