Eftir að Bandaríkin féllu úr leik á HM í Katar kom mál inn á borð bandaríska fótboltasambandsins.

Móðir landsliðsmannsins, Giovanni Reyna, hafði þá sent sambandinu myndband af Berhalter ýta og sparka í eiginkonu sína í fríi árið 1992, en móðir Reyna og faðir hans, Claudio, þekktu vel til Berhalter og eiginkonu hans.

Ástæðan fyrir að hún lét sambandið fá myndbandið er meðferð Berhalter á syni hennar en Gio fékk lítið að spreyta sig á HM í Katar og varð mikil dramatík og neikvæð umræða í kringum hann á mótinu.

Myndbandið leiddi til rannsóknar bandaríska sambandsins en henni lauk á dögunum. Berhalter hefur tekið fulla ábyrgð á hegðun sinni og unnið í sínum málum síðan þetta átti sér stað fyrir 31 ári síðan, en hann hefur nú fengið leyfi til að fara aftur á vinnumarkaðinn.

Samkvæmt Athletic er möguleiki á því að Berhalter taki við bandaríska landsliðinu. Hann er einn af þeim kostum sem sambandið er að skoða þrátt fyrir að hann hafi nýlega látið af störfum.