Biðlar til Höskuldar að halda kyrru fyrir í Smáranum

Höskuldur Gunnlaugsson, fyrirliði Breiðabliks, hefur undanfarnar vikur verið orðaður við Val og taldar eru líkur á því að hann spili fyrir Val á næsta tímabili þrátt fyrir að vera með skráðan samning við Breiðablik út næsta tímabil.

Höskuldur er uppalinn hjá Breiðabliki og hefur einungis spilað með Breiðabliki og venslaliðinu Augnabliki á ferli sínum hér á landi. Hann var maður leiksins þegar Breiðablik vann Mjólkurbikarinn á föstudag; skoraði fyrra mark liðsins og átti mjög góðan leik.