Hinn efnilegi Andri Fannar Baldursson sat allan tímann á varamannabekknum þegar Bologna vann góðan heimasigur í ítölsku úrvalsdeildinni, Serie A.

Bologna tók á móti Hellas Verona og það var aðeins eitt mark skorað í leiknum. Það gerði Riccardo Orsolini af vítapunktinum á 19. mínútu.

Andri Fannar, sem er 19 ára, kom ekki við sögu í dag en hann hefur spilað í fjórum deildarleikjum á þessu tímabili.

Bologna er eftir þennan sigur komið upp í 12. sæti deildarinnar. Hellas Verona er í níunda sæti.

Leikir kvöldsins:
17:00 Torino - Spezia (Stöð 2 Sport 2)
19:45 Sampdoria - Udinese