Besta deild kvenna: Breiðablik Íslandsmeistari þriðja árið í röð

Breiðablik tryggði sér þriðja Íslandsmeistaratitilinn í röð eftir sigur á Stjörnunni í kvöld.

Líf Joostdóttir van Bemmel fékk gullið tækifæri til að koma Breiðabliki yfir, hún komst framhjá Bridgette Skiba í marki Stjörnunnar en Skiba náði að koma Lif úr jafnvægi og hún missti boltann frá sér.

Líf tókst að koma Breiðabliki yfir stuttu síðar. Agla María Albertsdóttir átti glæsilega sendingu á Þórdísi Elvu Ágústsdóttir sem slapp í gegn og sendi á Líf sem skoraði á opið markið.

Hrefna Jónsdóttir fékk tækifæri til að jafna metin en skallaði beint á Herdísi Höllu í marki Breiðabliks.

Murielle Tiernan komst síðan í góða stöðu þegar skammt var til loka leiksins en hitti boltann illa og auðvelt fyrir Herdísi. Nær komust Stjörnukonur ekki og Breiðablik fagnaði þriðja Íslandsmeistaratitlinum í röð.

Það eru sex stig á milli Breiðabliks og FH fyrir lokaumferðina en liðin mætast í Kópavogi í lokaumferðinni.